Dainos

1. Lietuvuo bruolē i vaina juojė,
I vaina juojė, žėrgos balnuojė.

2. Juok, juok, bruolielė, juok, balondielė,
Ar bepanuoksė sava polkielė.

3. Nuoktė panuoksio, gyntė pagynsio,
Dā Dievas žėna, ar besogrįšio.

4. Jei nesogrįšio – rašta rašysio,
Sava žėrgielė aš parsiundysio.

5. Išein seselės ont aukšta kalna,
Ont aukšta kalna bruolielė lauktė.

6. Parbieg žėrgielės, paršvėt balnielė,
Kamė palėkā mūsu bruolielė?

7. Vainuo palėka, no kolkas krėta,
Devynės kolkas par vėršu liekė.

8. Devynės kolkas par vėršu liekė,
Vuo dešimtuojė galvelė kėrta.

9. Nokėrt galvelė kāp kuopūstielė,
Vertė bruolielė kāp oužoulielė.

10. Kor kūns goliejė – ruožės žydiejė,
Vuo, kor kuojelės – tėn lelėjelės.

11. Kor kraus varviejė – opės tekiejė,
Kor galva krėta – tėn rūtas dyga.